Chapter 701: Boss Is The Best!
Natakot si Hu Hongda sa ideya na mawawala ang lahat kaya agad siyang gumawa ng paraan para makalusot. "Dear...dear, pwede bang patawarin mo ulit ako? Pangako hindi na ako magsisinungaling sa'yo ulit!"
Ngayon niya lang ulit naalala kung ano ang mga nagawa ni Ming Fangfang para sa kanya. Bukod sa hindi nito kayang mabigyan siya ng anak, maganda siya at mabuti. Ni minsan, hindi ito nagreklamo tungkol sa kanya at inaalagaan siya nito araw-araw. Ang pinakaimportante sa lahat, malaki ang naitutulong niya sa kanyang negosyo...
Hindi! Hindi niya kakayanin kapag nakipagdivorce si Ming Fangfang sa kanya ngayon!
"Dear, pangako ko, huli na ito!"
Hindi bulag sa katotohanan si Ming Fangfang ngayon. Malamig ang titig niya at sinabi, "Hindi ka na magsisinungaling ulit? Sige, sabihin mo sa'kin kung bakit mo pinoprotektahan ang babaeng iyon?"
Pinipilit siya ni Ming Fangfang na sumagot.
