Chapter 462: Ning Xi's Audition
Nang matapos ang performance ni Li Yueling, may kakaibang ekspresyon sa mukha ni Cook sa unang pagkakataon. Lahat ng mga naunang candidates ay kaagad niyang nireject at pinaalis.
Nag-usap sina Cook at ang assistant niya nang ilang saglit. Sa wakas, lumapit din ang assistant kay Li yueling at magiliw itong sinabihan, "Miss Li Yueling, magpapatuloy pa po ang audition. Pwede po ba kayong maghintay sa labas saglit?"
Ibig sabihin, kuntento na sila sa performance niya pero gusto pa nilang makita kung may mas magaling sa kanya…
Marahang tumango si Li Yueling, "Syempre naman."
Pfft, pa'no namang magkakaroon ng mas magaling sa kanya? Siguradong sa kanya mapupunta ang endorsement na 'to!
Sa ilalim ng mga mapagmatyag na mga mata ng mga natira, lumabas na rin sa wakas si Li Yueling.
Sampung minuto siyang nasa loob at walang natanggap na paninigaw ang pagtugtog ng Guqin sa loob ng audition hall.
