Chapter 437: Boss Asked Me To Protect You
Bumalik na si Ning Xi sa apartment niya matapos makabili ng regalo.
Pagkalabas ng elevator, inihanda na niya ang susi niya habang naglalakad palapit sa unit niya. Pagkatingala niya, may isang malaking mama na nakatayo sa harap ng pinto niya at nakaharang sa dadaanan niya.
'Di makapaniwala si Ning Xi. Chineck niya pa ang unit number para makita kung nakamali ba siya ng pinuntahan.
"Uh, sino ka? Dito ako nakatira at nakaharang ka…"
"Ms. Ning, ako po si Xiong Zhi. Inutusan po ako ng boss ko na protektahan ka," sagot ng lalaki. Masunurin naman siyang umalis sa pagkakaharang sa pinto at tumayo lang sa tabi na parang bodyguard.
Nagulat si Ning Xi sa sagot nito, "Boss? Sino'ng boss mo?"
Sumagot si Xiong Zhi, "Lu po ang apelyido niya."
"Lu…as in Lu Tingxiao?"
Tumango si Xiong Zhi, "Opo."
Nairita si Ning Xi, "Ano namang naisip niya at bigla ka niyang inutusan na protektahan ako?"
