Chapter 436: Counting Wrongs And Punishing Them
Sa mabagsik na tono ni Yu Wannian, alam ni Fong Maocai na tapos na ang maliligayang araw niya. Nanginig lalo ang mga binti niya at parang bibigay na ang mga tuhod.
Wala na siyang pakialam kahit kay Su Yimo, wala na siyang ibang maaasahan kaya humingi na lang siya ng tawad, "Ma…Manager Yu, naguluhan lang po ako! Masyado akong naging ganid! Unang beses lang po ito! Patawarin niyo po ako!"
Masama ang tingin sa kanya ni Yu Wannian, "Unang beses man o hindi, ako ang huhusga. Marami-rami kang ginawang pagkakamali ngayon kaya 'wag ka nang mag-abalang humingi ng tawad dahil 'di na kita pwedeng panatilihin dito. Pumunta ka na kaagad sa finance department at kunin mo na 'yung sweldo mo ngayong buwan at umalis ka na! Kapag naimbestigahan ko pa lalo at nakitang may mga kaparehong insidente nang nangyari dati at naapektuhan ang kita ng kumpanya, saka kami kikilos!"
