Chapter 1511: Papagalingin Kita
"Kung ganun, pumasok ka na!" sabi ng nurse.
Emergency ito, kaya walang oras si Lu Tingxiao para ipaliwanag kay Ning Xi. Kaya sinabi na lang niya, "'Wag kang mag-alala, magiging okay lahat."
Sinundan niya ang nurse sa loob.
Tiningnan ni Tang Ye ang likod ng lalaki habang papasok ito sa kwarto. Kuminang ang mga salamin niya.
"Ha?! 'Sakto naman! Yun din ang blood type ng tito ko?" Nagulat talaga si Jiang Muye. Wala siyang kaalam-alam.
Ngayon lang din nalaman ni Ning Xi ito. Tumitig siya sa direksyon ng emergency room. Hindi niya inasahang biglang darating si Lu Tingxiao, at magkapareho pa sila ng blood type ni Yun Shen...
Parehong nasa loob ng emergency room sina Yun Shen at Lu Tingxiao habang nakaupo si Ning Xi sa bench sa labas. Nasa tabi niya si Jiang Muye habang may tinatawagan naman si Tang Ye sa dulo ng koridor. Mabigat ang hangin.
Lumipas ang oras. Parang sinasakal sila ng hangin.
