Chapter 1502: Boyfriend Ko
Nang marinig nila ang hindi malinaw na sagot niya, medyo nalungkot sina Sun Lan at Tang Shan habang may mga tinatawagan naman din si Elder Madam Tang para matingnan kung may makakatulong sa kanila.
"Xiao Xi, sino tinawagan mo? Maaasahan ba yun?" tanong ni Tang Shan.
"Hmm, yung boyfriend ko." Hindi tinago ni Ning Xi.
Medyo nagulat si Sun Lan. "Ah, Xiao Xi, may boyfriend ka na? Ano ginagawa niya?"
"Business," sagot ni Ning Xi.
Mayabang ang ngiti ni Elder Madam Tang, na kakatapos lang magtawag. "Ano magagawa ng businessman? Kung maghahanap ka ng tulong, kailangan mo kumuha ng nasa gobyerno! 'Wag kang mag-aksaya ng oras, dinadamay mo pa si Xiao Nuo…"
Hindi sumagot si Ning Xi. Nakinig siya nang tahimik sa matatalas na mga salita ni Elder Madam Tang.
Hindi umasa ang mga Tangs sa tawag ni Ning Xi, kaya paikot-ikot sila na parang mga langaw habang nag-iisip ng mga paraan kung paano nila maayos ang problema.
