Chapter 1384: Sinong Tanga Ngayon?
Ang laman lang ng utak ni Ning Xi ay ang imahe ng babae halos walang buhay na nakahiga sa operating theatre. Nanginginig ang katawan niya at nanlalambot ang mga tuhod niya.
Bakit? Bakit ganito ang nangyari?
"Kasalanan ko… Kasalanan ko lahat… Dapat hindi ko iniwan ang tabi niya." Nilalamon ng pagsisisi si ang pagkatao ni Ning Xi.
Sumakit ang puso ni Lu Tingxiao habang hawak ang babae sa balikat. "'Wag mong isipin iyan. Wala kang kinalaman dito. Mayroon sigurong nangyari sa panig ni Mo Lingtian."
Kung hindi, siguradong hindi biglang pupunta si Ning Tianxin sa maliit na clinic para magpalaglag mag-isa sa gitna ng gabi.
"Mo Lingtian!" Nanggagalaiti sa galit si Ning Xi at may apoy sa kanyang mga mata. Nilabas niya ang kanyang phone at nagmamadaling hinanap ang numero ni Mo Lingtian.
