Chapter 1115: Tawagin Mo Akong Mommy
Hindi siya pinansin ni Little Treasure. Tumalikod siya at hinanda ang kanyang espesyal na bento para kay Mommy.
Napakamot na lang sa ulo si Lu Jingli. "Hindi gumagana! Pero 'wag kayong ma-disappoint. Kayo naman! Malay niyo, may paraan si hipag para pagsalitain siya ulit."
Biglang nagliwanag ang mga mata nina Yan Ruyi at Lu Chongshan nang marinig nila ito. Nagmadali si Yan Ruyi, "Tara na pala! Bisitahin na natin si Xiao Xi sa ospital!"
Napakibot ang bibig ni Lu Jingli. Ahem, Xiao Xi?
Ito ang unang beses na tinawag ng nanay nila si Ning Xi sa ganitong paraan…
At pumunta na nga ang lima sa ospital para bumisita.
Sosyalin ang pasilidad ng pribadong ospital. Maihahalintulad ang ward ni Ning Xi sa isang presidential suite sa isang hotel dahil sa masigla at komportableng interior decoration. Mukha ngang nasa bakasyon siya at hindi sa isang ospital.
