Chapter 1038: Mamamatay sa Takot
Palayo nang palayo ang yabag ng babae hanggang sa hindi na ito marinig ni Ning Xi.
Nakakabingi ang katahimikan sa lugar, walang maririnig na kahit ano. Naririnig niya ang kahit maliit niyang pagkilos at ang mahinang ingay na ito ay tila napakalakas, na kanya ring ikinatakot.
Natatakot na siya noong may kasama pa siya; lalo na ngayong iniwan pa siya nang mag-isa.
Huminga nang malalim si Ning Xi at binigkas ang ano mang dasal na naalala niya at sinubukan niyang tumingin sa kapaligiran para aliwin ang kanyang sarili.
Mayroong kandilang may malamlam na liwanag sa tukador. Nakikita niyang ang disenyo ng loob ng kwarto ay pareho sa disenyo sa labas. Ang pinagkaiba lang ay mas nakakatakot ito. Napansin niya rin na malaki ang espasyo ng kwarto. Base sa istruktura nito at mag dekorasyon, masasabing ito ang master bedroom…
Master bedroom!
Biglang tumakbo sa isang sulok si Ning Xi, papalayo sa pinto.
