Chapter 1029: As Husband and Wife
"Ikaw si…?" Patanong na sabi ni Song Jin habang tinatantsa ang tao sa harap niya.
Basang-basa ang lalaki at medyo maputik din ang paanan ng pantalon niya, pero kahit mukha siyang nahirapan sa pagbyahe at mukhang kawawa sa sitwasyon, nakakapukaw pa rin ng atesyon ang karisma nito at mukha siyang isang dalisay at matapat na tao.
Marami nang nakilalang tao si Song Jin at kaya niya nang tumingin kung isang kilalang tao ang nasa harap niya. Marami nang pumunta sa bahay niya para imbitahan siya sa iba't ibang dahilan, pero wala sa kanila ang may karisma na tulad ng lalaking 'to.
Pero…itong taong 'to…bakit medyo pamilyar siya?
"Pasensya na po kung kumakatok ako nang disoras ng gabi pero may hinahanap po kasi ako," sabi ng lalaki.
Napagtanto ni Song Jin na hinahanap nito ang apat niyang bisita kaya pinapasok niya na agad. "Pasok ka!"
