Chapter 101: Fancy Little Carp Prince
Pagkabalik sa kwarto, naalala bigla ni Ning Xi na may importante siyang nakalimutang gawin – pagkatapos gumawa ng issue gamit ang video na 'yon, kailangan niyang tingan kung ano'ng nangyari pagkatapos.
Kasalanan 'to lahat ni Jiang Muye eh, simula nung bumalik siya, siya rin ang nagdulot ng sandamakmak na gulo kay Ning Xi.
Binuksan ni Ning Xi ang laptop niya at mabilis na dinaanan lahat ng related news.
Kagabi, napunta sa tuktok ng listahan ng hot topics ang video ni Jia Qingqing na may 33 NGs. Puno ng pagpuna ang mga komento dito habang si Ning Xi naman, na ginulat ang mga tao sa magaling niyang pag-arte, ay nakatanggap ng mga positibong pagpupuri. Isa-isang nagsimula ang pagsususpetsa ng mga tao na hindi makatotohanan 'yung online post tungkol kay Ning Xi na idinaan niya raw sa maduming paraan ang pagdating sa kinalalagyan niya ngayon.
