KalyeEscritoria

Nakita muli ni Ysa ang nag-iisang tao na ayaw na niyang makasalamuha. Nagdadalamhati man sa pagkawala ng ama ay nangibabaw pa rin ang galit at poot ng malaman niya na sa kanyang ina na siya titira. Dinala siya nito sa probinsya kung saan naninirahan ang kanyang ina kasama ang kanyang lola na hindi niya pa nakikita sa personal simula ng magkamuwang siya.

Tahimik at payapa ang kinatitirikan ng lumang bahay na pag-aari ng mga magulang ng kanyang ina. Ngunit gaano man kaganda ang probinsyang ito, ay alam niya ng hindi niya magugustuhang tumira dito. Aside sa makakasama niya ang ina araw-araw sa loob ng bahay, naiinis siya sa pagiging maingay at pakikialam ng lola niya sa kanya.

At ang pinakaayaw niya sa lahat ay...

Ang lalaking nararamdaman niyang karelasyon ng kanyang ina.

Ang lalaking sa tingin niya ay dahilan ng paghihiwalay ng kanyang mga magulang noon. 

Ang lalaking alam niya na first love ng kanyang ina na walang iba kundi...

.

.

.

Ang lalaking may-ari ng mga liham na nasa kanyang mga kamay.


December 23, 1988


Dearest A,
Kahit hindi tayo sa huli ay ikaw lamang ang iibigin ko. Lagi mong pagkatatandaan 'yan. Ang bawat letra na bumubuo sa mga salitang nakasulat dito ay siyang patunay ng pag-ibig ko sa iyo. Ang mga liham na ito ang siyang magiging tahanan ng mga ala-alang babaunin natin sa mga darating na panahon.

P.S. I will always love you.
-J.

Nakakunot ang noo at nakangiwi ang mga labi na tinitigan nito ang liham bago nakabawi at nakapagsalita.

"Tang*na. Eh di, WOW!" 


A FILIPINO NOVEL.
ALL RIGHTS RESERVED 2020.

Table of LETTERS from 1988

Table of contents

Volume 1